Burburka Qoyska Iyo Saamaynta Uu ku leeyahay Bulshada Qaybta Koowaad

Qoysku waa unugha iyo aasaaska koowaad ee bulsho kastaahiba ay ka koobantahay, oo bulshada ayaa ah qoysas isu tagay. 

Hordhac

Qoysku waa unugha iyo aasaaska koowaad ee bulsho kastaahiba ay ka koobantahay, oo bulshada ayaa ah qoysas isu tagay. 

Haddaba sooyaalka nololeed ee aduunyada laga soo bilaabo Nabigeena Adam CS iyo Xaawo dadku waxey soo ahaan jireen qoysas, haba kala duwanaatee sida ay qoysasku ku aasaasmaan marka laga fiirinayo kala duwanaanshiyaha diimeed, dhaqan iyo caadooyinka ay dadku ku kala duwan yihiin.

Aasaaska Qoys

Inta aanan u galin burburka qoyska bal aan wax yar ka taabanno siduu qoys ku aasaasmaa, anagoo ka eegayno diinteena islaamka.

Diinteena islaamka ah waxay noo bayaanisay noona cadaysay wax kasta oo nolosheena la xiriira dhismaha qoyska ama guurkuna waxa uu ka mid yahay waxyaabaha aad ay ooga hadashay diinteena maadaama uu yahay tiirka nololeed ee jiraanta aduunka oo dhan.

Marka uu guur dhacayo ama dhisme qoys la samaynayo diinteena islaamku waxay tilmaamaysaa inu dhex mari karo oo kaliya lab iyo dhadig shardina ay tahay in la helo raali ahaanshaha labada qof ee is doonaysa iyo sidoo kale (Waliga) ama qof ka masuulka ka ah gabadha ogolaanshihiisa ama fasixiisa, sidoo kale waxa shardi ah in la helo markhaatiyaal.

Guurku waa sunno waana waxa sababta u ah jiritaanka iyo inay sii socoto nolosha, danaha loo guursadaa way kala duwanyihiin, diinteena islaamkuna way boorisay oo nabigeenu CSW waxa xadiis ku booriyay dhalinyarada inay guursadaan oo ay tarmaan intii awood u leh, si uu ugu faano umadaha kale maalinka qiyaamaha.

Sababaha keena Burburka Qoyska

Burburka ku dhaca qoyska waxaa ka carooda Allahii na abuuray, waxaana ku farxaya sheydaanka, sidaas ayuuna u yahay wax aan fiicneyn, oo umaddii uu burbur qoyseed ku batana mushkilad iyo dhibaato aysan uga bixin.

Waan hubaa oo sababaha keena burburka qoysku aad bay u fara badanyihiin, waliba inta ugu badan ay yihiin waxyaabo aan u qalmin in reer ama qoys loo burburiyo, waxan se ka soo qaadan doonaa 4 da sababood ee aan is leeyahay waa kuwa ugu waawayn ee keena kala tagga iyo furiinka qoysaska.

1. Xog yari iyo faham la’aanta dadka is guursanaya
2. Hinaasaha ama masayrka.
3. Isticmaalka technology yadda (Mobile, Computer, Internet)
4.  Saamaynta waalidiinta qaar ay ku leeyihiin lamaanaha

WQ: Ahmed Abukar